Themâu a chyfleusterau iechyd llesiant @ Bangor

Mae CALIN yn mynd i’r afael â’r galw cynyddol yn y sector Gwyddor Bywyd sy’n ehangu’n gyflym am gydweithrediad gwell ac effeithiol ar draws diwydiant, y byd academaidd, gofal iechyd a’r llywodraeth. Mae poblogaeth sy’n heneiddio ynghyd â salwch cronig cynyddol, dewis defnyddwyr mwy gwybodus a ffocws cynyddol ar ‘well iechyd’, yn gyrru’r galw am fuddsoddiad sylweddol mewn ymchwil a datblygu (Y&D) i ateb i’r her o ddatblygu technolegau sy’n gwella iechyd. At hynny, yn ein byd COVID-19, mae galw cynyddol am ddulliau sefydliadol o ymdrin â llesiant, gan gynnwys ffyrdd arloesol o ddelio â heriau iechyd meddwl yn y gweithle (yn y cartref).

Mae Prifysgol Bangor yn arwain ar y thema iechyd a llesiant i CALIN ac mae gan y Brifysgol arbenigedd ar draws gwyddorau iechyd, biofeddygol, chwaraeon, ymarfer corff a pherfformio a gwyddorau ymddygiad. Mae’r sbectrwm eang hwn o arbenigedd yn rhoi capasiti ar gyfer amrywiaeth o wahanol brosiectau gan gynnwys: dylunio gwasanaethau ac arloesi; hybu iechyd a llesiant (dulliau ataliol, ar draws y rhychwant oes), perfformiad elitaidd a gwytnwch meddyliol; a llesiant sefydliadol, cymhelliant a llesiant yn y gweithle.

Isod gweler rhestr o bynciau a allai fod yn ffocws i gefnogaeth CALIN i fusnesau bach a chanolig a/neu brosiectau cydweithredol, ond nid yw’r rhestr hon yn gynhwysfawr:

• Newid ymddygiad cymhwysol
• Gwytnwch meddyliol
• Triniaeth ac atal iechyd meddwl
• Hybu iechyd
• Llythrennedd iechyd
• Mentrau atal
• Technolegau newydd ar gyfer gwella iechyd
• Iechyd poblogaethau a sefydliadol
• Economeg iechyd cyhoeddus
• Iechyd y cyhoedd manwl
• Ymarfer corff fel meddyginiaeth
• Perfformiad elitaidd (adnabod talent; arweinyddiaeth; hyfforddi)
• Archwaeth ac iechyd metabolig (rheoli pwysau)
• Ymarfer corff a llythrennedd corfforol
• Imiwnoleg chwaraeon ac ymarfer corff
• Maeth chwaraeon ac ymarfer corff
• Seiconewroimiwnoleg
• Heneiddio’n iach
• Nam gwybyddol a dementia
• Swyddogaeth cof a nam
• Dulliau systematig o ymdrin ag arloesi sefydliadol
• Cymhelliant a llesiant yn y gweithle
• Cydweithrediad diwydiannol a gofal iechyd

Gall busnesau bach a chanolig sy’n gweithio gyda CALIN gael mynediad at gyfleusterau, adnoddau ac arbenigedd o’r radd flaenaf @ Bangor sy’n cynnwys:

• Swyddogaeth yr ymennydd – System Delweddu Cyseiniant Magnetig (MRI) ar gyfer systemau niwrowyddoniaeth swyddogaethol, EEG ac ERP
• Ffisioleg integreiddiol (ymateb i straen ayb.)
• Siambr amgylcheddol (tymheredd, lleithder, uchder)
• Asesiadau gwirio iechyd a chyfansoddiad y corff
• Asesiadau perfformiad seico-ffisiolegol
• Canolbwynt gwerth cymdeithasol
• Gwerthuso meddyginiaethau
• Labordy dal symudiadau
• Rhaglen ymgysylltu â’r cyhoedd
• Rheoli data
• Proses dylunio ac arloesi gwasanaethau
• Nodi cyfleoedd cyllido perthnasol

CALIN @ Bangor: Iechyd a Meddyginiaeth

Mae Lynne Williams PY CALIN yn cyflwyno'r thema iechyd a meddygaeth ar gyfer CALIN ym Mangor.

CALIN @ Bangor: Gweithgaredd a Pherfformiad Corfforol

Mae Jamie Macdonald PY CALIN yn cyflwyno'r thema gweithgaredd corfforol a pherfformio ar gyfer CALIN ym Mangor.

CALIN @ Bangor: Iechyd a Lles

Mae Caroline Bowman PY CALIN yn cyflwyno'r thema llesiant a seicoleg ar gyfer CALIN ym Mangor.